Janë zbardhur detaje nga rasti i ri me COVID-19 në qytetin e Durrësit, të raportuar sot nga autoritetet shëndetësore.
Mësohet se pozitiv ka rezultuar një 71 vjeçar kinez, i cili jeton në zonën e Plazhit në Durrës.
Para mjekëve, ai është shprehur se jetonte vetëm në shtëpi dhe se nuk ka lëvizur prej saj duke bërë që të mos kuptohet se si është infektuar në të vërtetë.
Kinezi i konstatuar me koronavirus ka patur komplikacione dhe është dërguar me urgjencë në spitalin Infektiv.
Sot autoritetet shëndetësore konfirmuan 8 raste të reja me COVID-19, ku 5 të tjerë ishin në Tiranë kurse 2 në Durrës.
