Askush nuk është i sigurt nga kjo pandemi, derisa çdo individ i vetëm të jetë i sigurt, deklaroi sot ministrja britanike për Zhvillimin Ekonomik, Anne-Marie Trevelyan, ditën kur në Bruksel po zhvillohet edhe një konferencë donatorësh për kërkimin e një vaksine kundër koronavirusit, të bashkëkryesuar Britania e Madhe.
“Vetëm një gjë do të ndalojë pandeminë: një vaksinë. Të gjithë kontribuojmë në luftën kundër kësaj sëmundjeje në mënyra të ndryshme. Londra është zotuar të bëhet dhuruesja më e madhe e fondit ndërkombëtar për zhvillimin e një vaksine koronavirus, e cila do të shpëtojë jetën dhe burimet në të gjithë botën”, shpjegoi ministrja duke folur për iniciativën e nisur nga OKB dhe OBSH.
“Shkencëtarët tanë nga Universiteti i Oksfordit kanë filluar eksperimentet te njerëzit dhe janë duke bashkëpunuar me një model tjetër të suksesshëm britanik, AstraZeneca. Oksfordi është gjithashtu është i përfshirë me Adventin-IRBM italian në testimin e një vaksine me mbi 500 vullnetarë”, theksoi ministrja britanike për Zhvillimin Ekonomik, Anne-Marie Trevelyan. /ata/
