FSHF letër zyrtare Ministrisë së Shëndetësisë, ja çfarë kërkohet nga autoritetet qeveritare

Federata Shqiptare e Futbollit prej kohësh është shprehur se sezoni aktual duhet të përfundojë dhe kësaj linje i qëndron me fanatizëm.

Presidenti i FSHF-së, Armand Duka, shpeshherë ka deklaruar se sezoni i futbollit në Shqipëri duhet të rifillojë dhe disa herë është përpjekur për të kontaktuar me autoritet qeveritare për të bashkëpunuar për rifillimin e sezonit por deri më tani kërkesat janë injoruar.

Diçka e tillë ka ndodhur edhe së fundmi, teksa ashtu siç zbulon “ABC News” FSHF i ka dërguar një letër qeverisë për rifillimin e kampionatit futbollistik.

LEXO EDHE  Kelmendi: Karrierën e mbylla në mënyrën më të keqe, nuk e meritova këtë

FSHF në letrën e dërguar qeverisë shqiptare, kërkon të krijohet një grup punë i përbashkët, për implementimin e protokollit të nisur më parë. Federata Shqiptare ka planifikuar ta ri-fillojë futbollin pa praninë e tifozëve dhe me masa të rrepta higjiene.

Qeveria shqiptare ende nuk ka dhënë një përgjigje zyrtare thirrjeve të FSHF-së.