Coronavirusi vazhdon përhapjen në mbarë globin dhe aktivitetet sportive ende janë të pezulluara. Një deklartë e fortë vjen nga Brazili, ku konkretisht është Presidenti i Federatës së Futbollit, Jair Bolsonaro, i cili kërkon menjëherë rinisjen e kampionatave në vendin karioka.
”Edhe nëse futbollistët infektohen me virusin, shanset e tyre për të vdekur janë të pakta. Kjo për shkak të përgatitjes fizike që kanë dhe moshës, pasi ato janë atletë”, deklaroi Bolsonaro për radion braziliane “Guaiba”, ku theksoi se ai nuk ka frikë se mund të infektohet edhe vetë pasi ka qenë atlet.
Pas deklaratës së tij, në Brazil pati reagime të shumta, duke mos qenë aspak dakord me Bolsonar, pasi sipas tyre parësore është shëndeti i lojtarëve dhe stafeve. Madje ato kërkuan dhe shkarkimin e tij, duke e akuzuar atë si të papërgjegjshëm. Në Brazil deri më tani numërohen 6000 të vdekur dhe mbi 90,000 raste të prekur me Covid-19.
