Blaise Matuidi ka zbuluar vështirësitë psikologjike që ka hasur pasi rezultoi pozitiv me coronavirus.
Mesfushori u diagnostikua me Covid-19 në muajin mars dhe menjëherë u vendos në karantinë. Siç deklaron dhe vetë ai, Matuidi, pavarësisht se e ka kaluar sëmundjen pa simptoma, e ka përjetuar keq të gjithë këtë situatë.
Mesfushori i Juventusit foli për përvojën e tij me virusin famëkeq në kanalin “Bros Stories” në Youtube:
“Kur doktori erdhi më tha që jam pozitiv, mbeta pa fjalë. Doja të shfryja ndaj mjekut. Nuk më besohej. “Nuk kisha simptoma por, sapo dëgjova lajmet, kalova në panik total, kisha frikë për familjen dhe miqtë e mi”.
“Sinqerisht ishte e vështirë. Kur isha pozitiv, as nuk mund të dilja për të bërë pazar dhe atëherë kur fillova përsëri të dilja isha me fiksime. Duhet të sigurohesha që njerëzit nuk ishin shumë afër meje. Duhet të jesh shumë i fortë mendërisht. Do të marrë kohë, kjo është një situatë e re për të gjithë ne.”
