Në Krujë janë zbuluar katër raste të reja me koronavirus. Mësohet se 4 të infektuarit janë kontakte të rasteve të mëparshme të identifikuara me Covid-19.
Raportohet se ato janë kontakte të punonjësve të fasonerisë, e cila duket se është kthyer në një vatër të përhapjes së virusit.
Pacientët e rinj janë 3 gra dhe një burrë. Me zbulimin e këtyre rasteve, në Krujë numri i personave të infektuar ka shkuar në 93 persona.
Kruja, bazuar në numrin e banorëve, është një nga qytetet më të prekura në vend me koronavirus.
Ajo renditet pas Tiranës dhe Shkodrës, ku sipas shifrave zyrtare janë edhe qytetet me numrin më të lartë të të infektuarve.
