Një 35-vjeçar është vënë në pranga pasi ishte shpallur në kërkim ndërkombëtar për “Trafikim i lëndëve narkotike” dhe “Organizatë kriminale”.
Burime zyrtare bëjnë me dije se është arrestuar në qytetin e Pershkopisë, shtetasi B. A.(V), 35 vjeç, banues në Peshkopi, Dibër.
Ky shtetas ishte shpallur në kërkim ndërkombëtar nga Interpol Roma, Itali, pasi Gjykata e Trentos, Itali, më datë 01 shkurt të këtij viti ka lëshuar urdhër arresti ndëkombëtar për kryerjen e veprave penale “Trafikim i lëndëve narkotike” dhe “Organizatë Kriminale”, parashikuar nga Kodi Penal italian.
Maksimumi i dënimit për këto vepra penale është 24 vjet burg.
Ai do të ekstradihet drejt shtetit italian.
Materialet procedurale iu referuan Prokurorisë pranë Gjykatës së Shkallës së Parë Dibër, për veprime të mëtejshme.
