Kryebashkiaku i Tiranës Erion Veliaj ka bërë një deklaratë të çuditshme mbrëmjen e sotme në emisionin “Real Story”, duke sqaruar sepse familjeve në nevojë po i çohen qese me ushqime dhe nuk i jepen çeqe.
E ndërsa Kryeministri Edi Rama ka deklaruar se nuk ka para pvr t´i shpërndarë, Veliaj shprehet se nëse do jepeshin çeqe, atëherë ato do merreshin nga burrat dhe nuk ndihmoheshin gratë.
“Që në kohën që kam qenë në ministri kjo ka qenë një ide, që të japim një kupon, një çek. Pavarësisht se ngjan si një super ide, nuk ka funksionuar në praktikë. Krijohej një treg i zi i këtyre çeqeve. Në qoftë se ceku bënte 50 mijë lekë, dikush që kërkonte alkool e cigare e shiste për 30 mijë lekë.
Pronari i çekut bëhej burri dhe blinte gjërat që donte jo ushqimet për fëmijët. Funksionon më mirë të mbledhësh pakon ushqimore.
Në Tiranë nuk kemi pasur asnjë rast abuzimi. Sikur të vazhdonte dhe për 3 muaj kjo situatë, jemi të furnizuar për çdo rast. Për të ndihmuar fëmijët dhe zonjat që të mos dhunohen në situata të tilla, është që të çohen paketa ushqimore dhe iu shkon e gjitha e nuk kemi një treg të zi”, tha Veliaj.
