Futbollisti i kombëtares shqiptare, Emir Lenjani ka zbuluar se nëse ekipi i Tiranës ka diçka serioze në projekt mund të transferohej edhe tek klubi bardheblu.
Në një intervistë për “FanZone”, futbollisti nga Prishtina foli dhe mbi vendimin e presidentit të Sion për ta rikthyer në skuadër.
Kalimi i mundshëm te Tirana: Nuk i dihet ku do ta mbyll karrierën. Nëse ka diçka shumë serioze, atëherë mund të kaloja edhe te Tirana. Nuk i dihet për të ardhmen, nëse mbyll kontratën këtu mund të shikoj një ekip tjetër dhe të shkoj aty ku do përshtatesha. Në kohët e fundit kam luajtur më shumë përpara dhe kisha mundësi të shënoja gola.
Rikthimi tek Sion: Kemi një president me të vërtetë të çmendur. Kur vendosi të na largojë nga Sioni, u bë e madhe në Zvicër dhe tashmë ka vendosur të na rikthejë 4 prej nesh, ndërsa 5 të tjerët jo.”
Konsiderata për Panuccin: Të gjithë lojtarët, kur vijmë tani në Kombëtare, jemi më të lirshëm sesa ishim me Panuccin. Me të nuk kisha vetëm unë probleme, të gjithë lojtarët ishin të pakënaqur. Nuk dua të flas keq për të tani, pasi si lojtar ka qenë i mirë, por mua nuk më pëlqen si karakter.
