Një nga objektivat kryesor të Milanit në merkaton e verës është Dominik Szoboszlai. 19-vjeçari kërkohet gjithashtu edhe nga Lazio dhe së fundmi ka folur në lidhje me të ardhmen e tij në një intervistë.
Hungarezi nuk e mohon qe ka shumë oferta, ndërsa qëllimi i tij është të luajë në një nga Ligat më të forta të Europës si Serie A, Premier League apo Bundesliga.
“Për momentin nuk mund të them asgjë për interesimin e Milanit. Vendimi final më takon mua dhe të them të drejtën kam disa oferta. Do të vendos atë çfarë mund të jetë më e mira për mua. Serie A është nja kampionat fantastik, por gjithashtu edhe Premier League dhe Bundesliga.”
