Eksperti i shëndetësisë në Amerikë, Anthony Fauci ka deklaruar se qindra miliona vaksina koronavirusi do të jenë gati në janar të vitit 2021.
Ndërkohë, shumë kompani private po përpiqen të prodhojnë sa më shpejt të munden pasi Presidenti Trump ka kërkuar një zgjidhje për pandeminë.
Projekti “Operation Warp Speed” nuk u konfirmua në mënyrë zyrtare derisa doli intervista e Faucit. Priten që 300 milionë vaksina të jenë gati deri në janar, pavarësisht paralajmërimeve të mjekëve se nxitimi i procesit mund të shkaktojë më shumë vdekje ose probleme shëndetësore.
Kompanitë “Johnson&Johnson”, “Moderna” dhe Universiteti i Oksfordit janë mes atyre që kanë filluar prodhimin e miliona dozave. Në një intervistë për “Today”, Fauci tha:
“Ti gjithmonë duhet të thuash që dëshiron një vaksinë të sigurt dhe efektive dhe që mund ta prodhosh atë me shpejtësi.
Cili është plani tani? Ne jemi në fazat e hershme të një gjykimi, në fazën e parë. Kur të shkojmë në fazën tjetër, do të shkojmë në mënyrë të sigurt dhe me kujdes, por aq shpejt sa mundemi të provojmë dhe të marrim një përgjigje nëse funksionon dhe është e sigurt.
Nëse po, ne do të fillojmë të rritim prodhimin. Unë kam thënë se do të ishte gati për një vit deri në 18 muaj, kështu që janari është një vit.”
