Lulzim Basha, kryetar i PD-së, tha se opozita shqiptare ka bërë propozime konkrete lidhur me përballimin e krizës.
Basha u pyet në studion e “Opinion” nëse kishte kontaktuar drejtpërdrejtë Kryeministrin Edi Rama apo jo, ndërsa tha se nuk ka pasur asnjë të tillë.
“E keni parë sjelljen e Kryeministrit këto kohë? Ky është një regjim që nuk pret telefonatë nga opozita. Ne i propozuam një plan për të mirën e shqiptarëve, ndërsa ai doli dhe sulmonte opozitën”, tha Basha.
I pyetur se çfarë plani hapjeje do të aplikonte po të ishte Kryeministër, Basha tha se do të bënte 1500 testime në ditë, duke krijuar në këtë mënyrë një projeksion të qartë mbi përhapjen e Covid-19.
“Do të mbështesja me çdo çmim sistemin shëndetësor, duke pajisur me pajisje mbrojtëse të gjithë mjekët, në mënyrë që të gjithë të angazhoheshin në lojë.
Do të nisja masat për të përballuar atë që quhet pandemia ekonomike, duke i garantuar bizneseve që të operonin pa risk”, tha Basha.
