Një tjetër investim, këtë rradhë në fushën e trajtimit të Kancerit me Radioterapi (rrezatim), vjen në Spitalin Hygeia dhe përkatësisht në Departamentin e Radioterapisë, duke futur për herë të parë në Shqipëri & Rajon teknologjinë më të avancuar dhe më efektive të trajtimit të kancerit, teknologjia TrueBeam Radioterapi System.
Radioterapia është një nga trajtimet onkologjike që përdor rrezatimin jonizues për eliminimin e qelizave tumorale (duke vrarë qelizat tumorale apo duke penguar riprodhimin e tyre). Rrezatimi jonizues prodhohet nga aparatura bashkëkohore të quajtura Akselerator Linear aparaturë e cila në botë që prej vitit 1980 zëvendësoi në masë të gjerë aparaturat e Kobaltit të cilat përdoreshin për të trajtuar kancerin.
Spitali Hygeia ka qenë i pari spital privat në vend që për herë të parë futi shërbimin e Radioterapisë, si një shërbim tejet i domosdoshëm dhe revolucionar në trajtimin e kancerit. Krahas ngrtijes së këtij shërbimi, në Departamentin e Radioterapisë Hygeia, vit pas viti, janë bërë investime edhe për futjen e teknikave më të fundit dhe ndër më efikaset për trajtimin e kancerit siç është edhe Teknika IMRT.
Por tashmë, me qëllimin për të ofruar gjithmonë avangard në teknologjinë më të fundit mjekësore por edhe për të qenë në lartësinë e kërkesave të pacientëve në ofrimin e zgjidhjeve optimale në trajtimin e Kancerit, Spitali Hygeia bën investimin e rradhës në këtë fushë, nëpërmjet futjes së një prej sistemeve më bashkëkohorë sic janë Akseleratorët Linearë TrueBeam High Definition Radioterapi System. Ky sistem është i dizenjuar enkas për trajtimin me preçizion maksimal dhe kohëzgjatje trajtimi shumë të shkurtër të të gjitha tipeve të kancerit dhe në çdo pjesë të trupit, duke sjellë kështu një sërë avantazhesh për pacientët e trajtuar, krahasuar sidomos me teknikat e aplikuara deri më tani, dhe përkatësisht:
- Kohë trajtimi e shkurtër & preçizion shumë i lartë
- Kontroll në kohë reale e pozicionit të Tumorit
- Trajtim i Kancerit të Mushkrisë me Skaner 4D me preçizion shumë të lartë
- Trajtim i Kancerit të gjirit me Skaner 4D pa prekur zemrën
- Radiokirurgji – Trajtimi me sukses i tumoreve të vogla të kokës & metastazave në 1 séancë të vetme, pa Kirurgji
- Trajtim i metastazave të Mëlçisë, apo edhe në çdo vend tjetër, për vetëm 3 ditë
Nisur nga këto avantazhe, sajë teknologjisë së përparuar që akseleratori TrueBeam disponon, arrihet të aplikohet një plan i personalizuar trajtimi, bazuar në specifikat e secilit pacient, madje edhe në zonat më të vështira në të cilat lokalizohet tumori të tilla si kokë-qafë, mushkëri, gjoks, prostate
Një tjetër avantazh mjaft i rëndësishëm është edhe fakti që të gjitha këto proçedura dhe trajtime në Spitalin Hygeia ofrohen nën asistencën dhe përkujdesjen e një stafi mjekë Onkologë- Radioterapeut profesionistë dhe me eksperiencë të suksesshme ndërkombëtare.
DEPARTAMENTI ONKOLOGJJI- RADIOTERAPI
SPITALI HYGEIA: 04 23 90 000
