Autoritetet shëndetësore britanike po kryejnë testime për të zbuluar nëse ekziston një lidhje mes pandemisë së koronavirusit dhe një sëmundjeje të rëndë që ka prekur prej pak kohësh një numër të vogël fëmijësh, theksoi ministri i Shëndetësisë, Matt Hancock.
Kjo sëmundje e shfaqur së fundi ngjan me sëmundjen Kawasaki, një sindrom vaskular që prek fëmijët dhe shkaku i të cilës nuk dihet.
Sipas të përditshmes rajonale “La Dépêche du Midi”, 20 raste të ngjashme janë regjistruar në rajonin parizian.
“Kjo është një sëmundje e re që, sipas nesh, mund të jetë shkaktuar nga koronavirusi”, deklaroi Matt Hancock për radion LBC.
“Ne nuk jemi të sigurtë 100% sepse disa persona që janë prekur nuk kanë rezultuar pozitiv me koronavirusin e ri. Ne po bëjmë aktualisht shumë kërkime. Por, kjo është diçka që na shqetëson”, theksoi ai.
Ministri shtoi se bëhet fjalë për një numër të vogël rastesh.
“Bëhet fjalë për një sëmundje shumë të rrallë, por mendoj se është shumë e mundur që kjo të vijë si pasojë e virusit, të paktën në disa raste”, deklaroi kreu i shërbimeve shëndetësore, Chris Whitty, në një konferencë të përditshme shtypi.
Shoqëria britanike e Kujdesit Intensiv Pediatrik bëri të ditur alarmin e shërbimit publik shëndetësor anglez “NHS England” përsa i përket një numri në rritje të rasteve të fëmijëve të sëmurë rëndë, disa të prekur nga COVID-19, disa të tjerë jo.
Sindromat e tyre ishin të përafërta me ato të sëmundjes Kawasaki dhe të sindromit të shokut toksik.
Mes simptomave bëjnë pjesë dhimbjet e barkut, trazirat gastro-intenstinale dhe një inflamacion kardiak.
“Njëzet fëmijë kanë sindroma të këtij lloji në Ile-de-France”, sipas artikullit të “Dépêche du Midi” në botimin e saj të 29 Prillit.
“Këta janë fëmijë të moshës 2 dhe 10 vjeç, të cilët nuk kanë pasur histori domethënëse dhe nuk kanë sëmundje kronike”, theksoi për këtë të përditshme në këtë mjek të përditshëm Isabelle Kone Paut, profesor i reumatologjisë pediatrike në spitalin ”Kremlin- Bicêtre” në Paris.
“Që prej një muaji, kemi marrë rregullisht thirrje nga reanimatorët për fëmijët që shfaqin miokardi të rëndë dhe që janë shenja të sëmundjes Kawasaki, disa prej të cilëve kanë rezultuar poziti me COVID-19”, shtoi ky specialist.
“Ky është një alarm që e kemi marrë shumë seriozisht në Francë, duhet të jemi shumë vigjilent”, theksoi profesor Alexandre Belot, reumatolog dhe pediatër në spitalin ” Femme, Mère Enfant ” në Lion për të përditshmen “La Dépêche du Midi”.
“Asgjë nuk mund të konfirmojmë sot për një lidhje mes sëmundjes Kawasaki dhe COVID-19, por kemi konstatuar se fëmijët e testuar pozitiv me COVID-19 zhvillojnë simptoma që korrespondojnë me ato të sëmundjes Kawasaki si një tension i paqendrueshëm dhe një miokardi për format më të rënda”, shton Belot.
