Kryeministri Edi Rama tha sot se nuk ka ulje pensionesh dhe rrogash. Deklarata e Kryeministrit ka ardhur pasi më parë një prej deputetëve të PS-së, Ilir Beqaj, propozoi uljen e pensioneve dhe pagave si një masë për përballimin e krizës nga Covid-19.
Por Rama tha se një fjalë e thënë diku, nuk mund të kthehet në një akuzë ndaj Qeverisë, se ka një strategji kriminale për ulje pagash dhe pensionesh.
“Nëse do të ketë një rishikim për pagat dhe pensionet, kjo do të jetë vetëm për t´i rritur dhe jo për t´i ulur. Nuk ka ulje pagash dhe pensionesh”, tha Rama.
Lidhur me planin e hapjes, Kryeministri ka ripërsëritur se qendrat tregtare, baret dhe restorantet do të hapen të fundit, në përputhje me masat që do të rekomandohen.
