Imunologu i njohur Genc Sulçebe tha mbrëmjen e sotme se në Shqipëri ka pasur një skenarin më të mirë të mundshëm nga epidemia e Covid-19.
Në emisionin “Arena”, mjeku i njohur tha se në muajt e nxehtë pritet të ketë një përmirësim të gjendjes, pasi shpresojmë se virusi do të ketë një virulencë të dobët përgjatë kësaj periudhe.
“Në vjeshtë nuk e di se çfarë mund të ndodhë, por mendoj se nuk do të kemi një situatë si kjo e tanishmja, kuptohet do të jetë një vjeshtë normale por me masa mbrojtëse”, tha Sulçebe.
Ai sqaroi se virusi shpërndahet përmes spërklave, ndaj dhe maska është e rekomandueshme.
“Çfarë ndodh me këtë virus është ende mister, por sipas virologëve nuk ndodhin mutacione aq të forta sa gripi. Por mendoj se kjo nuk e pengon gjetjen dhe më pas prodhimin e një vaksine”, shtoi ai.
Sulçebe tha se mendonte se në vjeshtën e këtij viti do të ketë një vaksinë.
“Prekshmëria nga koronavirusi rritet me moshën, kjo të paktën faktohet se fëmijët nuk preken ose e kalojnë shumë lehtë këtë virus”, shtoi ai.
