Vazhdojnë hetimet për të zbardhur atentatin e para dy ditëve në Durrës ndaj vëllezërve Besmir dhe Viktor Haxhia dhe për të vënë para drejtësisë autorët e ngjarjes.
Burime bëjnë me dije se ky atentat ka lidhje me ngjarjen e rreth 1 muaji më parë, ku një sasi prej 30 kg heroinë dhe kokainë u kap në brigjet e Barit, në një kamion të modifikuar.
Dyshohet se kamioni mund të jetë modifikuar në servisin e dy vllezërve Haxhia.
Ndërkohë vazhdojnë kontrollet për gjetjen e automjetit që mendohet se janë larguar autorët, pasi dyshohet se është fshehur në afërsi të zonës ku ndodhi atentati.
Po ashtu grupi hetimor është duke kryer verifikimet për zbardhjen e kësaj ngjarje, ku fokusi kryesor është aktiviteti në emigracion i një prej vëllezërve, por edhe aktivitetet të paligjshme që ka dyshime të kenë vijuar gjatë kësaj kohe.
Gjithashtu po verifikohen celularët e dy viktimave dhe i është kërkuar dhe ndihmë kompanive telefonike për zbardhjen e plotë të mesazheve dhe telefonatave.
