Moderatorja Albana Osmani me sa duket do t’i rikthehet shumë shpejt televizionit. Lajmin e ka dhënë vetë ajo për emisionin ‘Vizioni i Pasdites’.
Duke iu përgjigjur pyetjes së koleges së saj Evi Reçi se ku do ta shikojmë së shpejti, Albana i bëri me dije se do të jenë shumë pranë të dyja. Në këtë mënyrë ka lënë të kuptohet se Albana do të jetë pjesë e Vizion Plusit.
‘Po Evi kam një projekt televiziv, mund të jemi shumë pranë’, u shpreh Osmani pa dhënë detaje të tjera për formatin në të cilin do të jetë së shpejti. Kujtojmë se në korrik të 2019, moderatorja konfirmoi largimin nga ‘Top Channel’.
