Zyrtarë të klubeve të Premier League do të takohen ditën e premte për të diskutuar planet për të rifilluar sezonin aktual në qershor.
Kampionati më elitar anglez, i cila është pezulluar prej mesit të muajit mars për shkak të përhapjes së coronavirusit, mund të rikthehet në datën 8 qershor, ndërsa do të përfundonte në fund të korrikut.
Sekretari i Kulturës dhe Sportit, në Mbretërinë e Bashkuar, Oliver Dowden, ka deklaruar se po punon ngushtësisht me të gjitha palët që futbolli të rikthehet në muajin qershor.
“Unë personalisht kam qenë në bisedime me krerët e Premier League dhe me aktorët e tjerë me qëllim që sporti të rigjallërohet dhe të rifillojë sa më shpejt që të jetë e mundur, në mënyrë që të mbështes të gjithë komunitetin e futbollit.
“Por, natyrisht, çdo lëvizje do të duhet të jetë në përputhje me udhëzimet e zyrtarëve të shëndetit”.
Në Angli mediat po diskutojnë shumë për datën 8 qershor për të filluar kampionatin anglez.
