Blutë e Shkodrës kanë arrestuar në kohë rekord autorin e plagosjes me armë zjarri në afërsi të Urës së Bunës.
Autori i ndaluar i ngjarjes është shtetasi me inicialet B. I. Sipas të dhënave të bluve të Shkodrës mësohet se i gjithë konflikti ka nisur për motive pronësie. Sipas të dhënave pranë vendit të ngjarjes por edhe burimeve policore mësohet se e gjithë ngjarja ka ndodhur pranë gurores e cila ndodhet rreth 200 metra nga Ura e Bunës.
Dy shtetasit pasi kanë debatuar me njëri tjetrin, në momentin kur i plagosuri po largohej, autori ka qëlluar tre herë në drejtim të tij duke i shkaktuar plagë të rënda në pjesën e shpatullës.
Menjëherë pas mbërritjes në vendin e ngjarjes blutë e Shkodrës kanë bërë rrethimin e zonës, ku pas kontrolleve autori është gjetur pranë bregut të lumit Buna.
