Sulmuesi me origjinë shqiptare, Albian Ajeti, sezonin e ardhshëm mund të luajë në Superligën turke në radhët e Galatasaray-t.
23-vjeçari i cili së fundmi u transferua te skuadra e West Ham-it nga Baseli për 8.7 milionë euro, nuk po gjen hapësira me anglezët dhe për pasojë po mendon largimin nga Premier League.
Lajmin për interesimin e Galatasaray-it për shqiptarin e ka bërë të ditur gazeta turke “Fanatik”. Skuadra turke po synon ta huazojë fillimisht Ajetin, me opsion blerje në fund të sezonit.
Albian Ajeti është vëllai i Arlind Ajeti-t, por në dallim nga mbrojtësi që aktivizohet për Shqipërinë, ai luan për Përfaqësuesen e Zvicrës.
