Ministra e Financave Anila Denaj pranoi mbrëmjen e sotme në Opinion se termi “pagë lufte” është i rëndë dhe ngjall panik te qytetarët. Gjithsesi gjatë debatit me ekspertin e ekonomise, Besart Kadia, Denaj tha se hapja e ekonomisë po bëhet hap pas hapi.
Kadia e pyeti Denajn se sa ventilator janë blerë në kuadrin e pandemisë, ndërsa ministra e Financave u shpreh se “të gjithë vrerin që keni ndaj Qeverisë nuk mund ta shprehni kështu, ne po ecim me një hapje duke iu referuar protokolleve të sigurisë”.
“Fasonët thonë se më rriten kostot po të dezinfektoj dy herë punonjësit, atëherë çfarë mund të bëjmë në një situatë të tillë”, tha Denaj.
Ndërsa Kadia tha se qytetarëve duhet t´i jepet mundësia për tu kthyer në normalitet.
“E kuptoni se çfarë keni bërë, i lejoni njerëzit të dalin 90 minuta apo 2 orë, dyqanet happen 8 orë, njerëzit marrin pagat e luftës, dhe asgjë nuk është në normalitet”, tha Kadia.
Sipas tij, recensioni 5 % është shumë i keq, dhe nuk e di nëse ministrja e Financave apo Qeveria e kupton situatën ekonomike në vend.
“Nëse shtyjmë pagesat e sigurimeve shoqërore apo taksave, atëherë me çfarë do e ndihmojmë ekonominë”, tha Denaj.
