“Milani po përparon për Luis Maximiano”. Kështu hapet e përditshmja portugeze “A Bola”, sipas së cilës klubi kuqezi po shfaq një interesim të madh për portierin 21 vjeçar të Sporting Lisbonës.
Maximiano shihet nga Milani si zëvendësuesi i mundshëm për Gigio Donnarumma. E ardhmja e Donnarumma, i cila ka një kontratë që skadon në vitin 2021, mbetet një enigmë. Ai ka deklaruar se dëshiron të qëndrojë në Milano, por rinovimi i kontratës duket ende larg. Ngërçi besohet të jetë kërkesat e larta financiare të lojtarit.
Gjithsesi sipas “A Bola” Milani është i gatshëm t’i ofrojë 20 milionë euro klubit portugez për Maximiano. Problem për klubin italian, është kontrata aktuale e portugezit me Sportingun.
Maximiano ka një kontratë me Sporting-un deri më 30 qershor 2023 dhe një klauzolë të prishjes së kontratës në vlerën 45 milion euro, shifër kjo shumë më e lartë nga çfarë mund të ofrojë klubi.
