Qeveria ka publikuar protokollin e sigurisë për çdo subjekt tregtie që merret me shitjen e veshjeve, dhe që do të funksionojnë brenda fashës orare tashmë të përcaktuar, deri në orën 17:30.
Protokolli përcakton masat e higjenës, ruajtjes së distanës, por edhe mbajtjen e dorezave dhe maskave nga shitëset.
Gjithashtu parashikohet dezinfektimi i duarve me alkool pas çdo transaksioni që kryen qoftë në para në dorë, apo edhe me kartë krediti.
Në një dyqan më pak se tre metra katrorë nuk lejohet më shumë se një klient në ambientet e brendshme të tij, ndërkohë që të tjerët duhet të presin në radhë jashtë.
I detyrueshëm është edhe dezinfektimi i vendit të punës si dhe ndalohet grumbullimi në tavolinën e ngrënies gjatë orarit të pushimit.
Ndërkohë klienti nuk duhet të provojë rrobat në trup, por duke pasur veshjen e tij poshtë produktit të dyqanit, ndërsa duhet menjëherë t’i lajë pas blerjes.
Dyqanet rekomandohen që të reklamojnë sa më shumë shërbimin në banesë dhe porositë përmes telefonit për të shmangur kontaktin e gjatë fizik me klientët, ndërsa duhet të sigurojë ajrimin e ambienteve minimalisht tre herë në ditë.
