Barcelona i ka dhënë Juventusit dritën e gjelbër për të filluar negociatat me Arthur Melon, raporton gazeta spanjolle “Mundo Deportivo”.
Juventusi kështu vijon të hedhë hapa konkretë për të transferuar mesfushorin Brazilian për të cilin interesohet prej kohësh.
Aktualisht mesfushori fiton pak më tepër se 3 milionë euro në sezon dhe presidenti i Barcelonës nuk ka ndërmend t’i rinovojë kontratën që i skadon në verën e 2024-ës, por duke qenë se lojtari nuk shihet si pjesë thelbësore e trajnerit Setien, po merr në konsideratë edhe shitjen e tij gjatë verës.
Tani klubi bardhezi do të provojë të arrijë një marrëveshje me vetë futbollistin dhe nëse gjithçka do të shkojë me sukses atëherë do të nisë punën për të gjetur një akord edhe me Barcelonën, që nga ana e saj këmbëngul për një shkëmbim me holandezin Mathijs De Ligt, po që diçka e tillë ka pak gjasa të ndodhë.
