Detajet të reja janë zbardhur nga ekzekutimi i dy vëllezërve Besmir e Viktor Haxhia pasditen e djeshme në Durrës.
Burime bëjnë me dije se autoritetet kanë zbuluar se ata kanë pasur kontakte telefonike me persona që janë të dyshuar për vepra të rënda kriminale në qytetin e Durrësit dhe Fushë Krujës.
Grupi hetimor është duke pyetur pronarët e mjeteve, pasi dyshohet se ekzekutorët e paidentifikuar, që kanë qenë dy persona, kanë qëndruar në një prej makinave duke pritur dy vëllezërit, ku u bë edhe ekzekutimi.
Policia sot është kthyer sërish në vendngjarje. Efektivët e Komisariatit të Durrësit janë në terren. Nga hetimet e djeshme, ka dalë se gjurmët e të shtënave janë edhe në zona të tjera. Kur ka ndodhur ngjarja, tregu ka qenë i mbyllur.
Policia e Durrësit ka kërkuar nga kompanitë telefonike tabulatet e viktimave, që të shikojnë se kush i ka marrë në telefon.
Policia ka fokusuar vëmendjen tek konfliktet e mundshme të vëllezërve.