Ministria e Shëndetësisë ka hartuar një sërë protokollesh për bizneset e njësitë tregtare, ku përcaktohen masa të rrepta për parandalimin e Covid-19. Këto masa përfshijnë nga kontrollin e punonjësve për situatën shëndetësore në pastërtinë e rreptë në ambientet e punës, distancat, mënyrën si vendosen punonjësit në autobus etj.
Me qëllim garantimin e zbatimit të protokolleve të sigurisë në kuadër epidemisë të shkaktuar ngaCOVID-19, Komiteti Ndërministror i Emergjencave Civile ka vendosur Krijimin e Task-Forcës, si një strukturë të posaçme të përkohshme.
Kjo Task Forcë do të ketë si qëllim për garantimin e zbatimit të protokolleve të sigurisë në njësitë tregtare të lejuara të ushtrojnë aktivitetin për periudhën e epidemisë së shkaktuar nga COVID19.
Task-Forca kryesohet nga Kryeministri dhe në përbërje ka këta anëtarë:
– ministrin e Shëndetësisë dhe Mbrojtjes Sociale;
-ministrin e Brendshëm;
-ministrin e Drejtësisë;
-ministrin e Shtetit për Rindërtimin;
-ministrin e Financave dhe Ekonomisë;
-ministrin e Bujqësisë dhe Zhvillimit Rural;
-ministrin e Turizmit dhe Mjedisit;
-ministrin e Infrastrukturës dhe Energjisë.
Task-Forca ka si mision garantimin e zbatimit të protokolleve të sigurisë në njësitë tregtare të lejuara të ushtrojnë aktivitetin për periudhën e epidemisë së shkaktuar nga COVID19.
Pranë Task-Forcës funksionon Njësia Operacionale, e cila drejtohet nga Kabineti i Kryeministrit dhe në përbërje ka përfaqësues nga:
-Inspektorati Shtetëror Shëndetësor;
-Drejtoria e Përgjithshme e Policisë së Shtetit;
-Drejtoria e Përgjithshme e Shërbimeve të Transportit Rrugor;
-Inspektorati i Punës dhe Sigurimeve Shoqërore;
-Inspektorati Shtetëror i Mbikëqyrjes së Tregut;
-Autoriteti Kombëtar i Ushqimit;
-Agjencia Kombëtare e Mjedisit.
Njësia Operacionale e Task-Forcës është përgjegjëse për kontrollin në terren për garantimin e zbatimit të protokolleve të sigurisë në njësitë tregtare të lejuara të ushtrojnë aktivitetin për periudhën e epidemisë së shkaktuar nga COVID-19.
Njësia Operacionale kryen dhe zbaton detyrat e dhëna nga Task-Forca.
Njësia Operacionale, në rast konstatimi të shkeljeve të protokolleve të sigurisë në njësitë tregtare të lejuara të ushtrojnë aktivitetin për periudhën e epidemisë së shkaktuar nga COVID19, i raporton këto shkelje pranë institucioneve kompetente për marrjen e masave përkatëse.
Task-Forca ndihmohet nga sekretariati teknik në detyrat administrative. Sekretariat teknik është Instituti i Shëndetit Publik.
Periudha e veprimit të Task-Forcës dhe e Njësisë Operacionale do të jenë deri në përfundim të periudhës së epidemisë së shkaktuar nga COVID-19. /Monitor/
