Ish-kryeministri Sali Berisha ka publikuar një mesazh që denoncon se përmes një skeme, kreu i qeverisë Edi Rama, i dhuroi vetes 40 000 m2 tokë shtetërore dhe 10 tunele në Surrel. Mesazhi, sqaron Berisha, i është dërguar nga një qytetar.
“Ai denoncon një mega afereë korruptive të Edvin Hajdutit! Sipas një VKM të firmosur prej tij, ai në një akt të pashembullt lumturon veten duke marre në Surrel, shkruan qytetari, me 1 euro pronën publike prej 40 000 m2 toke dhe 10 tunele të ushtrisë me ortakun e tij Ismet Shehu, lumturor Shehu, pronarin e Restorantit Ceren”, shprehet Berisha.
Në denoncimin e bërë publik në faqen në FB të ish-kryeminiatrit shkruhet:
Pershendetje dr jam punonjes administrate po ju informoj se me një vendim të publikuar në Fletoren Zyrtare, Edi Rama i ka falur vetes dhe një restoranti në Surrel një prone shtetërore për vetëm 1 Euro. Bëhet fjalë për ish-repartin ushtarak Nr.3031 me vendndodhje në Tirane, në administrim të Ministrisë së Mbrojtjes.
Sipas vendimit, mësohet se shoqëria “CEREN Ismet Shehu Sh.p.k.” do të marrë me qira këtë pronë shtetërore për 20 vjet duke paguar vetëm 1 Euro.
Por jo vetëm kaq, sipërfaqja e cila do të merret me qira është jo pak, por plot 40 mijë metra katrorë! Po, po, e lexuat mirë! Madje në brendësi gjenden edhe 10 tunele.
Sipas një hulumtimi, ky restorant gjendet mjaft afër me vilën bunker në të cilën banon Edi Rama. Duket se kryeministri ia ka dhënë vetes kete prone dhe tek ai restorant është parë shpesh të ushqehet aty.
Nga ana tjetër, në çdo postim në rrjetet sociale të Edi Ramës dhe të Erion Veliaj-t, nuk mungon pëlqimi i dhënë nga restoranti. Epo, e gezofshin Ortaku dhe Edi Rama pronën shtetërore! Ndonëse në dukje qeveria është fokusuar shumë se gjasme po shpëton popullin nga COVID-19, në të vërtetë nuk nguron të vjedhe diten dhe naten klienten e vet!”
