Ministria e Shëndetësisë deklaroi sot zbulimin e 14 rasteve të reja me Covid-19, 9 prej të cilave janë në Krujë, 1 në Shkodër dhe 4 në Tiranë.
Sipas të dhënave, mësohet se pacientët e rinj të zbuluar në Krujë janë punonjës të fasonerisë, si dhe kontakte të tyre.
Gjashtë prej 9 të infektuarëve janë gra të moshës 33-66 vjeç, ndërsa 3 janë burra.
Ndërkohë rasti i Shkodrës është një pacient që është paraqitur në ugjencën e spitalit të Shkodrës. Ai ka shfaqur shenjat e Covid-19 dhe pas testit ka rezultuar pozitiv.
Ministria e Shendëtësisë bëri të ditur se ka nisur hetimi epidemiologjik për rastet. E ndërsa për Krujën thuhet se nuk ka vatra të reja, por pacientët e rinj janë kontakte të rasteve të mëparshme, për Shkodrën pritet që hetimi epidemiologjik të përcaktojë nëse pacienti është një vatër e re, apo ai ka pasur kontakte me persona që më parë kanë rezultuar pozitivë ndaj koronavirusit.
