Evertoni transferoi Moise Kean verën e kaluar nga Juventusi për 42 milionë euro. 22-vjeçari italian po kalonte një formë mjaft të mirë sportive me bardhezinjtë, ndërsa e kundërta ka ndodhur me klubin anglez.
Përveç rezultateve zhgënjyese në fushën e lojës, Kean është bërë protagonist për keq edhe jashtë saj. Ai ka filmuar veten duke thyer rregullat e distancimit dhe ka festuar me miqtë e tij, ndërsa pranë ka pasur edhe disa femra që kërcenin me të në mënyrë provokative. – raporton “Daily Star”.
Një situatë kjo që ka sjellë edhe reagimin e Everton-it, të cilët me anë të një deklarate zyrtare, bëjnë të ditur se veprimet e sulmuesit janë të pajustifikueshme dhe se për këtë papërgjegjshmëri do të marrin masat e nevojshme.
“Jemi shumë të zhgënjyer me sjelljen e Moise, pasi ai dhe të gjithë të tjerët duhet të respektojnë rregullat e vendosura. Do të mblidhemi dhe sigurisht që do të marrim masë për këtë papërgjegjshmëri”, tha një prej drejtuesve të Everton për mediat angleze, duke paralajmëruar një gjobë të majme për sulmuesin.
