Bundesliga ka vendosur një listë të rregullave që duhet të respektohen kur të rikthehet futbolli.
Kampionati i nivelit më të lartë të futbollit në Gjermani, pritet të jetë Liga e parë që do të rikthehet në fushën e blertë, ndërsa është rënë dakord parimisht për datën 9 maj.
Gjithsesi situata nuk do të jetë e njëjtë si më parë dhe disa rregulla janë vendosur që do të duhen respektuar nga futbollistët dhe klubet.
Kështu një futbollist nuk mund të bëjë seks, madje as nuk mund të puthë partneren e tij, nëse ajo ka simptoma që mund të jetë me koronavirus, – shkruhet në librin e rregullave, – nuk do të ketë shërbim në dhomë për lojtarët, kur ata të jenë nëpër hotele.
Ekipet nuk do të rreshtohen së bashku me njëri-tjetrin në tunel; lojtarët e stolit do të hyjnë në fushë dhe do të kryejnë nxemjen në mënyrë të veçantë dhe do të mbajnë distancën e tyre në pankinë.
Çdo futbollisti do ti kontrollohet temperatura në hyrje të stadiumit. Kontakti nëpër stërvitje duhet të jetë sa më i vogël që të jetë e mundur, ndërsa mbledhjet e trajnerit me ekipin duhet të bëhen në salla sa më të mëdha, që lojtarët të kenë mundësi të rrinë larg njëri-tjetrit.
Stadiumet do të duhet të dezinfektohen me kujdes përpara ndeshjeve, po ashtu edhe hotelet ku do të qëndrojnë ekipet. Në një stadium, gjatë ndeshjes, mund të lejohen deri në 300 vetë, nga të cilët do të jenë skuadrat dhe stafet teknike, arbitrat, 4 agjentë policie, 10 gazetarë, 4 djem për të kapur topat, 8 punëtorë fushe dhe 50 roje të sigurisë.
Leaked document on the Bundesliga return
✅ Max of 322 people (players, staff, media, medical, etc.) at any game
✅ Temperature checks at entrance
✅ No requirement for group quarantine if positive test
✅ No shaking hands or team photos
✅ No mixed zone or live press conferences— Ronan Murphy (@swearimnotpaul) April 23, 2020
