Shkencëtarët e Oksfordit kanë prodhuar kite për testimin e saktë të imunitetit, të cilat mund të japin rezultatet në 20 minuta.
Autoritetet në Britaninë e Madhe njoftuan sot se kanë urdhëruar prodhimin e rreth 50 milionë pajisjeve të tilla, për të testuar masivisht popullsinë.
Ndaj që prej muajit qershor qytetarët do të jenë në gjendje të mësojnë nëse kanë krijuar ose jo imunitet ndaj virusit, e me pas mund t’i kthehen jetës sociale si normalisht.
Testi i ri i imunitetit pritet të kushtojë rreth 13 euro dhe mund të kryhet përmes gjakut. Si në testet e shtatzënisë, nëse 2 viza do të shfaqen pas 20 minutash pritje, qytetarët do ta dinë se kanë krijuar antitrupa. Një vizë nënkupton se mund të jenë të cenueshëm nga koronavirusi.
Vetë qytetarët do të fotografojnë testin dhe bashkë me të dhënat e tyre do t’ua dërgojnë një njësie qendrore që do të fusë detajet në bazën e të dhënave.
