Një 60-vjeçare, banore e lagjes 18 Tetori në Lushnje, rezultoi e prekur nga koronavirusi, pas testit të kryer.
Ajo është një nga 34 rastet e reja të deklaruara sot nga Ministria e Shëndetësisë, ndërkohë që mbremjen e djeshme pacientja është transportuar drejt spitalit Infektiv në Tiranë.
Nuk dihet ende se si 60-vjeçarja është infektuar, pasi ajo nuk ka pasur histori udhëtimi dhe as kontakte me persona të deklaruar më parë si të infektuar.
Hetimi epidemiologjik për rastin në fjalë ka nisur, por duket se mbetet mister shkaku i infektimit të pacientes 60-vjeçare.
Gjithsesi dyshimet janë se ajo mund të ketë lëvizur përtej rregullave të karantinimit dhe ndoshta një i prekur asimptomatik mund të jetë personi që e ka infektuar.
