Një polic i komisaristit të policisë Fier së bashku me një person tjetër kanë ushtruar dhunë mbi një 23 vjeçar në qendër të qytetit mbrëmjen e sotme.
I dëmtuari është 23 vjeçari Xhoen Osmenaj banor i lagjes Liria. 23 vjeçari ka qenë duke udhëtuar me automjetin e tij tip opel sëbashku me një shoqe në momentin që është goditur nga polici dhe shoku i tij.
Siç mund ta shihni momentin te videoja e mëposhtme, dy të rinj që udhëtonin me një makinë tip “ Benz”, me targa AA 600 MU, kanë dalë nga mjeti i tyre dhe kanë nisur të qëllojnë me mjete të forta xhamin e makinës “Opel” me targa AA 683 EO, ku udhëtonte Xhoen Osmenaj i shoqëruar me një vajzë.
Ndërsa kanë thyer xhamin e shoferit, dy të rinjtë kanë goditur edhe shoferin, sic shihet edhe në video. Po ashtu një vajzë mundohet t’i frenojë të rinjtë në momentin që godasin shoferin tjetër.
Në vendngjarje ka mbërritur menjëherë patrulla e policisë.
