Coronavirusi është kryefjala në të gjithë botën dhe ndërsa shtetet po përpiqen për të gjetur zgjidhje se si ta kalojmë këtë epidemi, shumë sportistë nga bota e futbollit kanë vendosur të bëjnë pjesën e tyre për të lehtësuar sadopak pasojat negative që ka pasur virusi.
Një gjë të tillë ka bërë edhe, Gabriel Jesus. Sulmuesi i Manchester City-t ka dhuruar 3 ton ushqime për lagjet e varfra të Brazilit. Gjest shumë i bukur ky i 23-vjeçarit, i cili duket se nuk e harron kurrë se nga ku ka ardhur.
Gabriel Jesus nuk e ka fshehur asnjëherë që dikur ka qenë shumë i varfër dhe bënte punë të rëndomta për të mbijetuar, ndërsa tashmë mundohet t’u japë një dorë familjeve në nevojë.
