Kevin De Bruyne zbulon emrat e dy kampionëve me të cilët ai do të kishte dashur të luante, të cilët deri tani i ka pasur vetëm kundërshtarë.
Në një intervistë për “Sky Sports”, ai zgjodhi trajnerin e tij te kombëtarja e Belgjikës, Thierry Henry, dhe Cristiano Ronaldon si lojtarët që do të donte t’i kishte shokë skuadre, duke injoruar sugjerimin e Jamie Redknap për Xavi Hernandez dhe Andres Iniestën.
“Unë do të preferoja më shumë lojtarë sulmues, si trajnerin tim te Belgjika, Thierry Henry, apo Cristianon. Ti mund të krososh tri metra lart dhe Ronaldo sërish do ta arrinte atë top dhe kështu numri i asisteve që edhe tashmë është i lartë do të rritej”. – ka thënë ndër të tjera ylli i City-t.
