Midis 15 janarit dhe 3 marsit, Kina nxori shtatë kritere të ndryshme sipas të cilave ajo maste rastet me koronavirus, duke zvogëluar numrin e të prekurve me Covid-19.
Sipas studimeve të fundit Kina ka pasur katër herë më shumë raste të raportuara me koronavirus deri më 20 shkurt.
Studiuesit nuk kanë qenë në gjendje që të mbledhin të dhënat e nevojshme pas 20 shkurtit dhe për këtë arsye nuk kanë mundur të ekzaminojnë efektet e dy kritereve të fundit me të cilat Kina maste të prekurit nga koronavirusi.
Këto të dhëna kanë dalë dritë teksa tensioni midis Shteteve të Bashkuara dhe Kinës vazhdon të përshkallëzohet, ku SHBA akuzon regjimin kinez se ka fshehur të dhënat e vërteta që në fazën e hershme të koronavirusit.
Sekretari i Shtetit Mike Pompeo ka kritikuar Kinën për dështimin e saj në raportimet për shpërthimin e hershëm të koronavirusit.
Kina, e cila rishikoi javën e kaluar numrin e vdekjeve me gati 50 për qind, ka raportuar 83,000 raste që prej fillimit të shpërthimit të koronavirusit, ndërsa në të gjithë botën janë prekur mbi 2 milionë njerëz.Kina është akuzuar për fshehjen e numrit të të prekurve dhe të vdekurve nga koronavirusi në krahasim me vendet, si Spanja, Italia, Franca dhe Shtetet e Bashkuara, të cilat edhe pse me popullsi më të vogël, kanë raportuar shifra shumë herë më të larta të të prekurve dhe atyre që kanë humbur jetën.
