Në 24 orët e fundit në Shqipëri janë regjistruar 29 raste të reja me koronavirus, duke e çuar numrin total të të infektuarve në 663.
Ministria e Shëndetësisë tha se raste aktive në vendin tonë deri më tani janë 251.
Referuar shifrave zyrtare, në spitale po marrin trajtimin shëndetësor 34 pacientë.
Në shërbimin Infektiv, i kthyer në “Covid 1” aktualisht janë 26 të shtruar nga të cilët 4 pacientë janë në terapi intensive.
Në spitalin COVID 2 “Shefqet Ndroqi”, janë 8 pacientë të shtruar, prej tyre, 4 pacientë janë në terapi intensive, në gjendje të rënduar, ndërsa 4 pacientë janë në pavijon.
