Ish-sulmuesi i Arsenalit, Emmanuel Adebayor, është kritikuar së fundi nga mediat në vendin e tij, se ndryshe nga shumë futbollistë me emër, nuk ka bërë asnjë donacion për Togo-n, për ta ndihmuar në luftën kundër Covid-19.
Ndaj këtyre kritikave 36-vjeçari ka reaguar dhe është kundërpërgjigjur, ku ndër të tjera theksoi se i ka paratë e tij dhe vendos t’i përdorë si të dojë, pa u ndikuar aspak nga ato se çfarë thonë njerëzit.
“Gjithmonë i bëj gjërat ashtu si ma do zemra dhe jo sipas fjalëve të tjerëve. Për të gjithë ju që thoni pse nuk bëj donacion, ta keni të qartë që nuk do të bëj asnjë donacion. Janë paratë e mia dhe vendos unë si t’i shpenzoj e për çfarë t’i shpenzoj. Mund të më krahasojnë me Drogba apo me Eto’o, por nuk jam asnjëri prej tyre. Jam Emmanuel Adebayor dhe bëj çfarë të dua”. ka thënë Adebayor gjatë një video “live” në Facebook.
