Një tjetër rast me Covid-19 është zbuluar në orët e fundit në Kurbin. Mësohet se pacienti i ri është një vatër e re, ndërkohë që ka nisur hetimi epidemiologjik.
Deri mesditën e djeshme numri i të prekurve me koronavirus në Kurbin ishte 27, ndërkohë që me rastin e ri të zbuluar shifra shkon në 28 pacientë.
Kurbini dhe Kruja në ditët e fundit janë kthyer në vatra koronavirusi dhe në krahasim me numrin e banorëve që kanë rezultojnë ndër qytetet më të prekura.
Një ditë më parë, Ministria e Shëndetësisë, deklaroi se në Kurbin ishin zbuluar 8 raste, ndërkohë që në Krujë ishin zbuluar 17 raste. Por në orët e fundit, në Krujë janë rritur ndjeshëm personat e prekur, pasi nga 30 teste janë konfirmuar 18 pozitivë.
