Corentin Tolisso i është nënshtruar një operacioni në ligamentet e kyçit të këmbës së majtë dhe për pasojë sezoni për 25-vjeçarin mund të quhet i përfunduar.
Kampionët e Bundesligës presin që mesfushori qendror, të fillojë rehabilitimin pas katër javëve. Sipas Bild, Tolisso do të jetë jashtë fushave deri në tetë javë në total.
Meqë francezi nuk do të jetë në gjendje ta nisë fazën e rikuperimit edhe për një muaj, kjo nënkupton se ai do ta humbë pjesën e mbetur të sezonit 2019-2020, që pritet të rinisë muajin e ardhshëm.
25-vjeçari ka bërë 24 paraqitje për Bayern-in këtë sezon, duke shënuar tre gola dhe ka dhënë pesë asistime.
