Presidenti Ilir Meta dekretoi sot ndryshimet në Kodin Penal.
Meta tha se për shkak të boshllëqeve që ka Kodi Penal në rastet e përhapjes së epidemive me dashje nga njerëzit, vlerëson se ndryshimet thelbësore, janë posztive dhe kanë reflektuar propozimet e Avokatit të Popullit, Presidentit të Republikës dhe ekspertëve të fushës.
Meta tha se norma penale do të aplikohet vetëm mbi ata që janë paralajmëruar më parë me masa administrative, apo ata që janë diagnostikuar më parë nga organet e shëndetësisë si bartës së sëmundjeve.
Presidenti tha se përpara se të hyjnë në fuqi ndryshimet, duhet të vlerësojnë plotësimin e kuadrit ligjor dhe nënligjor, si dhe përcaktimin e qartë dhe shterues, të listës së sëmundjeve të rrezikshme dhe infective.
“Ju përgjigja kërkesës për bashkëpunim dhe konsensus nga Kuvendi dhe qeveria për ndryshimet në Kodin Penal, diskutimi i gjerë ka çuar në përmirësime thelbësore të produktit final.
Nisur nga gjendja e fatkeqësisë natyrore dhe për shkak të boshllëkut ligjor që ka Kodi Penal, Presidenti vlerëson se iniciativa e Kuvendit dhe Qeverisë që mbrojtja e shëndetit publik, të garantohet edhe nga norma penale është e mire.
Mes draftit të propozuar fillimisht nga deputete, atij të miratuar në Komision dhe të miratuar në seancë ka ndryshime thelbësore pozitive që kanë reflektuar një pjesë të sugjerimeve të Avokatit të Popullit, ekspertëve të së drejtës dhe Presidentit që lidhen me llojin dhe masat e dënimit penale në përputhje me parimin e ligjshmërisë penale dhe juridike”, tha Presidenti Meta.
