Një shtetas shqiptar i shpallur në kërkim nga autoritetet italiane është kapur në fshatin Bushat të Shkodrës.
Lajmin e ka dhënë Policia e Cuneo, e cila informon se arrestimi i tij u bë falë bashkëpunimit me Interpol Tirana dhe Policinë shqiptare.
Identiteti i të prangosurit nuk bëhet me dije por mësohet se është rreth rreth 50 vjeç.
Ai është dënuar nga Gjykata e Apelit të Torinos me 7 vjet e 1 muaj burg për krimin e dhunës seksuale kryer në periudhën kohore 2001-2003 në komunën Saluzzo në provincën e Cuneo.
Vendimi i Gjykatës italiane është marrë në fillim të vitit 2020 dhe shqiptari është shpallur në kërkim më vitin 2018.
Identifikimi i tij në zonën Bushat u bë falë punës së forcave italiane të skuadrës operative të kapjes së personave të kërkuar në bashkëpunim me policinë shqiptare.
50 vjeçari shqiptar është i dënuar dhe më parë për krime të ndryshme penale.
