Një 63-vjeçar është arrestuar nga Policia e Vlorës, pasi akuzohet për prodhim dhe trafikim të lëndëvbe narkotike si dhe armbajtje pa lejë.
Në pranga është vënë shtetasi F. M., banues në Panaja, Vlorë.
“Gjatë kontrollit në lokalin e këtij shtetasi në fshatin Panaja, u gjet një sasi lënde narkotike prej 11 kg e 500 gr. cannabis sativa, si dhe një armë gjahu (teke) pa lejen e organeve kompetente, të cilat u sekuestruan në cilësinë e provave materiale” thuhet në njoftimin e policisë.
Mësohet se operacioni vijon për dokumentimin e plotë, si dhe për kapjen e personave të tjetër të përfshirë në këtë veprimtari kriminale.
Materialet i kaluan Prokurorisë së Vlorës, për veprime të mëtejshme, për veprat penale “Prodhimi dhe shitja e narkotikëve” dhe “Prodhimi dhe mbajtja pa leje e armëve të gjuetisë dhe sportive”.
