7 raste të reja kanë rezultuar pozitiv me COVID-19 në 24 e fundit në Maqedoninë e Veriut, nga 207 teste të kryera. Tre raste të reja janë regjistruar në Tetovë, dy në Kumanovë dhe dy në Koçani.
Numri në total i të infektuarëve me Covid-19 në Maqedoninë e Veriut ka shkuar në 1231 prej të cilëve 952 raste janë ende aktiv, nga 12.340 testime të realizuara gjithësej.
Gjatë 24 orëve të fundit është shënuar edhe një viktimë nga Covid-19. Bëhet fjalë për një 70 vjeçar nga Llabunishta Strugës që po kurohej në Spitalin “8 shtatori”. Pacienti ishte pranuar në spital me 8 prill. Me viktimën e fundit, numri i personave që kanë humbur betejën shkon në 55 në Maqedoninë e Veriut.
Ministria e Shëndetësisë njoftoi sot se Instituti i Shëndetit Publik ka regjistruar edhe 24 persona që janë shëruar nga Covid-19, duke shkuar gjithësej 224 persona numri në total i të shëruarëve
Në Klinikën Infektive në Shkup janë shtruar gjithsej 60 pacientë, prej të cilëve 18 janë në mbështetje të oksigjenit ndërsa 4 janë në ventilim mekanik.
Në Spitalin “8 shtatori” janë shtruar gjithsej 45 pacientë me Covid-19, prej të cilëve 7 janë me pasyrë më të rëndë klinike kurse 5 pacient janë në ventilim mekanik.
Në Klinikën e Manastirit ka gjithsej 13 pacient me Covid-19, kurse nën monitorim të Klinikës ka edhe 15 pacient të cilët po kurohen në kushte shtëpiake.
Në Spitalin e Shtipit ka 4 pacient, kurse po monitorohen 19 pacient të cilët trajtojnë sëmundjen në kushte shtëpiake.
