Milani e bleu Andre Silvën për shifrën e 38 milionë eurove, nga skuadra e Portos në verën e vitit 2017.
Pavarësisht se me skuadrën portugeze, ai kishte krijuar një reputacion të madh, sulmuesi portugez nuk arriti të gjente veten në “San Siro” dhe u largua verën e kaluar në drejtim të Eintracht Frankfurt.
Silva që është në huazim në gjermani, ka thënë se ai është i lumtur në Bundesligë dhe dëshiron të vazhdojë aty.
“Ata më trajtojnë mirë këtu. Më pëlqen qyteti, tifozët dhe Bundesliga. Prandaj ka shumë arsye që më shtyjnë të qëndroj”, ka thënë ai.
“Calciomercato” raporton se një largim i përhershëm i Silvas mund të jetë një nxitje e madhe për financat e klubit.
Besohet se Eintracht janë të interesuar ta bëjnë marrëveshjen të përhershme me 24-vjeçarin dhe kuqezinjtë do të ishin më së të kënaqur me shitjen e tij.
