Presidenti Donald Trump gjatë konferencës së përditshme mbi COVID-19, deklaroi se Shtetet e Bashkuara duan ende që një ekip investigues të shkojë në Kinë për të hetuar shpërthimin e koronavirusit.
Një kërkesë të tillë, ShBA e ka bërë edhe me herët, por që janë kundërshtuar, raporton CNN.
“Ne po bisedojmë me Kinën. Iu kemi kërkuar atyre edhe para shumë kohësh që të mund të hetojmë në Kinë për virusin. Ne duam të hyjmë”, tha Trump.
Shtetet e Bashkuara kanë akuzuar vazhdimisht Kinën se ka se ka dhënë informacion të pasaktë në lidhje me shtrirjen e Covid-19 brenda vendit, dhe se është përgjegjëse për shpërthimin e pandemisë.
Përveç Trump edhe liderë të tjerë botërorë, përfshirë dhe Macron kanë kritikuar Kinën në lidhje me menaxhimin e COVID-19.
