Everton raportohet se janë të gatshëm të heqin dorë nga sulmuesi Moise Kean, i cili duket se është i vendosur për një rikthim në Itali.
I riu u transferua nga Juventus te Everton-i verën e kaluar, por ka hasur shumë vështirësi në Premier League dhe pavarësisht ardhjes së trajnerit Carlo Ancelotti, ai duket se është i destinuar për një rikthim në Serie A gjatë hapjes së markatos së tranferimeve.
Interi thuhet se janë të interesuar ta risjellin 20-vjeçarin në Serie A dhe mund të hyjnë në negociata me klubin anglez. – bën të ditur “Daily Express”.
Që nga tranferimi i Kean në ‘Goodison Park”, ai ka luajtur 23 ndeshje, duke kontribuar me një gol dhe dy asistime, dhe vazhdimisht ka qenë i lidhur me një rikthim në Itali.
