Në Korenë e Jugut, po vërtetohet se personat e shëruar me COVID-19, mund të infektohen sërish me të njëjtin virus.
Edhe 16 persona të tjerë të cilët ishin shëruar nga koronavirusi dhe përfunduan edhe periudhën e karantinës, kanë rezultuar sërish pozitivë me Covid-19, duke e çuar në 179 në total numrin e personave që iu ndodh e njëjta gjë.
Lajmi u konfirmua të dielën autoritetet shëndetësore në Korenë e Jugut.
Deri më tani në Korenë e Jugut janë shëruar 8,042 persona, prej të cilëve 179 janë infektuar sërish me koronavirus.
Deri tani është ende e paqartë se pse këta persona rezultojnë sërish pozitivë. Shumica e ekspertëve janë shprehur se nuk ka mundësi që virusi të rikthehet menjëherë pas shërimit. Jung theksoi se një hetim i thelluar epidemiologjik është duke u zhvilluar për të zbuluar shkakun.
Shumica e rasteve rezultojnë pozitiv pas një mesatare prej rreth 13 ditësh pas daljes nga karantina.
