Një ditë më parë, Kryeministri Edi Rama i dha liri dalje pensionistëve, të cilët prej 40 ditësh qëndrojnë të izoluar në banesat e tyre në kuadrin e masave të Qeverisë për parandalimin e përhapjes së koronavirusit.
Ndërsa sot deri në orën 11:00 kanë leje dalje nënat me fëmijët deri në 10 vjeç.
Referuar aplikimit të këtyre masave në rrjetet sociale ka pasur reagime ironizuese por edhe me humor.
Analisti Dritan Shano në një postim në rrjet ironizon Kryeministrin Rama, ndërsa shkruan se kur do të dalin biondet, flokëkuqet, leshzezat, qerosët apo thinjoshët.
Postimi nga Dritan Shano
Po të mos isha unë, do kishit vdekur palë palë …
Kriteret mjekësore shkencore të lëvizjes së popullsisë nga ora 5:00 deri në 11:00 am, të konfirmuar nga infeksionistët, epidemiologjistët dhe mjekë të tjerë qeveritarë me eksperiencë ng 10-40 vjet.
Të Hënën do dalin bjondet;
Të Martën flokëgështenjat;
Të Mërkurën leshzezat
Të Enjten flokëkuqet;
Të Premten thinjoshet;
Të Shtunën qeroset;
Te Djelën pushim, dhe ato dhe virusi.
